Poems

Writer and Author

Atef Bandary

January 25, 2017

جاي لك

يا قوت القلوب

بلدي 

روحي

يا بلد المحبوب

جاي لك 

عطشان

و شايل جروحي

عايز منك أمان

وقلبي م الشوق 

هيدوب

لبكي يا صبيه

ولأيام زمان

والقله .... والطبليه

وبيتنا

اللي كان كبير

بالحب والحنان



وانا والربيع و القمر

وليله من ليالي

السهر

 


وامي

اللي

دائماً لي

مستنيه

جاي لك

يا حبه عينيا

يا كل اللي لي

يا أم العيون السود

والورد ع الخدود

إنتي لي 

حبيبي المعبود

لفيت كتير يا مصر

عديت بحر و بحر

ما حببت غيرك

ولا غنيت 

الا لطيرك

وانا ..، جاي لك

151 Views
Febuary 25, 2018

 

 اخر قرار               

جربي كل القلوب 

و شوفي لك 

غيري حبيب

ودوقي نار اللهيب

جربي ظلم الحبيب

و اسمعي

اخر قرار

أنا لبكي 

مش ممكن هاعود

مهما كان

حتي لو دار

بي الزمان

حتي لو تهت 

مش لاقي صديق

حتي لو ضليت

الديار

مش راجع لك

تاني

وعارف انه

صعب

لكنه اخر

قرار

أنا ياما تهت

في الطريق

وياما دبت 

م الآلام

وكل مره

كنت برجع




لك

كنت عايش 

في الأحلام

لكن هالمرة تبت

مَش راجع 

أبدا تاني

ودا هو 

اخر قرار

واسمعي

ياللي كنتي

في عمري ورده

ياللي كنتي 

لشوقي فرحه

ولفحري نسمه

أنا مش راجع

تاني للديار

رايح أتوه

بين العالم

رايح أدور 

ع العمار

و ده اخر قرار.


عاطف بنداري

141 Views
January 25, 2017

رحال

من كان سنه

عايش رحال

يوم عنوه

ويوم موال

من كأم سنه 

والصبر طال 

وضاق البال

 

من كأم سنه

عايش أنا

علي ذكري الهنا




من كأم سنه

وانا دايب 

م الشوق

لحبيبي الغايب


اوصيك يا ليل 

تقول له

ان عمري كله

فدا صباه

وانا هستناه

حسب الميعاد

مهما البعد زاد

112 Views
January 25, 2017

 

التحدي

ويخطره ثابته مشيت

قبلت التحدي

قبلت أكون 

لك غريم

ويخطره ثابته

رجعت

اقدم ولائي 

لأنك ملاك

والحب اللي كان 

لك

هيفضل هناك

في ارض الذكريات


وقلبي بيحلف

هائم في هواك




وقبلت التحدي

أكون لك غريم

لاقبتني في لحظه

بنادي عليك

اديني ايديك

نكمل الطريق

ما هو انت الصديق

وانت الحبيب

وانا عمري حسبته

من ساعه لقاك

و هتفضل 

في نظري

اجمل ملاك

وقبلت التحدي

احبك

عاطف بنداري

84 Views
January 25, 2017

لقاء

ما تقولش وداع

قول لقا

مين عارف

يمكن في يوم اقابلك

في طريقي تاني

يمكن في يوم تجيني

بأجمل أغاني

انت عارف زماننا

كتير بيغير اماني


ما تقولش وداع

وقول لقا

عشان دائماً 

يكون لي أمل

أني هاعيش معاك

ليالي زمان من تاني


وأوعي في يوم

تنساني

اوعي تخون 

العهد بينا

اوعي تنسي خبي


ومين عارف

يمكن دلوقتي تيجي

تغير طريقك

وتنور شموعي


و تاخد أيدي 

في إيدك

ونمشي طريقنا تاني 


مين عارف

انت عارف

ان زماننا 

كتير بيغير اماني

96 Views
January 25, 2017

أنا والربيع و القمر


عشقت الصبر

وغنيت للقمر

في ليله

من ليالي السهر


كانت النجوم

مرصوصة

في السما

نفسها توصل لك

يا قمر


يا قمر الليل

حبك

نساني الويل


وخلاني أسهر

طول الليل



وانا والربيع و القمر

وليله من ليالي

السهر


وقفت وحيد

وانت بعيد

عني يا قمر


عشقت هواك

ومدحت صباك

وغنيت للصبر معاك


والنسمه خدتني

لبعيد ودتني 

لليالي القمر

اتاريك لسه بعيد

عني

يا قمر


وانا والربيع 

والقمر

وليله من ليالي

السهر

146 Views
January 25, 2017

 ضحك الزمان

                                                           لما الزمان قال لي

انسي الزمان

والحبيب جاني

وفِي أيد

الأمان

ولقيت الحياه

مليانه ورود

ومسحت الدموع

من ع الخدود


من يوم الحبيب

ما قال لي تعالي

وانسي اللي فات

من يومها لاقيتني

بارمي الهموم

وحياتي سماها

ما فيها غيوم



 

ومن يومها زماني

نساني الزمان

ومن يومها مكاني

بقي اجمل مكان


ولما الزمان قال لي

انسي الزمان

ما بقيتشي غريب

ومعايا الحبيب

وكله حنان


ولما الزمان نور

في حياتي الشموع

نساني ليالي 

وانا عايش وحيد

وفتح لي طريق جديد

ماشي فيه سعيد 

وبديت البدايه

لما الزمان قال لي

انسي الزمان

وضحك الزمان

عاطف بتداري

253 Views
January 25, 2017

Just A Dream

It was just a dream
when I came alone
With my self steam
for no body was known
Starting from where I did
Ten years ago
I am a human being
Thrown by the stone

It was just a dream
Thinking all of you
Guessing that my life
Would be all with you
Now I am alone
and again thrown by the stone
all my memories here
Just surrounding me
Can’t believe my self
and what happened to me
That was just a dream.

81 Views
January 25, 2017
Coming Soon
65 Views
January 25, 2017
Coming soon
76 Views